fc7dd733-b051-3f1c-ae91-9a5ad46d7f41

Censo de entidades xuvenís - Abert@s. Portal Open Data da Xunta de Galicia

O Censo de entidades xuvenís da Xunta de Galicia contén a relación e datos das organizacións xuvenís e ás entidades prestadoras de servizos á xuventude (máis de 1.000 en 2013). É único e dispón de dúas tipoloxías de entidades, as xuvenís (asociacións xuvenís, organizacións xuvenís e consellos xuventude municipais ou de ámbito local debidamente constituídos) e as prestadoras de servizos á xuventude. Neste último epígrafe inscríbense aquelas asociacións de carácter xeral que estatutariamente prevén a existencia dunha rama ou sección xuvenil e que entre os seus fins recollen a dedicación a actividades para mozos e mozas (quedando excluídas desta categoría as asociacións que son de tipo docente ou deportivo). No ficheiro .csv figuran os datos de contacto e número de inscrición no censo de cada entidade, ademais da súa categorización segundo o seu ámbito de actuación (provincial ou autonómico), tipoloxía (asociación xuvenil ou entidade prestadora de servizos á xuventude) ou natureza, que pode ser de tipo: Medioambiental Político-sindical Estudantil Prestadora de servizos sociais Cultural-recreativa De tempo libre Relixiosa Intercultural Vixencia do censo Este censo ten unha vixencia anual, pois as entidades que desexen continuar nel deben ratificar a súa inscrición todos os anos. Esta é, ademais, condición indispensable para poder recibir as subvencións do organismo con competencias en materia de Xuventude, segundo sinala o Decreto 50/2000, do 20 de xaneiro, polo que se refunde e actualiza a normativa vixente en materia de xuventude no seu Título IV (Censo de entidades xuvenís).

2013-09-04T00:00:00

2015-01-09T00:00:00

Xunta de Galicia

html

es