3602139c-709f-31a9-a6a4-b1094585f4ec

Talleres artesáns - Abert@s. Portal Open Data da Xunta de Galicia

Na Lei 1/1992, do 11 de marzo, de artesanía de Galicia, que regula e apoia a actividade artesanal na Comunidade autónoma, defínese, entre outras, a figura do taller artesán. Esta cualificación corresponde a toda unidade económica na que se realicen actividades artesanais e que reúna estas condicións: Que a actividade desenvolvida teña un carácter preferentemente manual, sen que perda este carácter polo emprego de utensilios e maquinaria auxiliar sempre que se orixine un produto individualizado. Que como responsable da actividade figure un artesán ou un mestre artesán que a dirixa e participe nela. Que a actividade que desenvolva figure rexistrada na sección de actividades artesás do Rexistro Xeral da Artesanía de Galicia. Que o número de traballadoras/es non familiares empregados con carácter permanente non exceda de dez, excepto os aprendices alumnos Tamén poderán gozar da consideración de taller artesán aquelas unidades de carácter cooperativo ou asociativo que se dediquen exclusivamente á comercialización de produtos artesáns, sempre que todos/as os/as seus integrantes sexan, á súa vez, profesionais de artesanía. A fonte da información dispoñible neste arquivo de descarga é a sección de talleres artesáns do Rexistro Xeral de Artesanía de Galicia. O .csv contén o código de inscrición do taller, nome, enderezo, código postal, código do concello, identificación do concello, código da provincia, descrición da provincia, teléfono, fax e actividade dos máis de 480 talleres artesáns inscritos no Rexistro.

2013-05-27T00:00:00

2015-01-09T00:00:00

Xunta de Galicia

html

es